Қырғызстанда Дүниежүзілік көшпенділер ойындарының ашылу салтанаты өтті, деп хабарлайды Sportbugin.kz.
31 тамыз бен 6 қыркүйек аралығында өтетін дүбірлі додаға әлемнің 113 елінен шамамен 3 мың спортшы қатысады. Негізгі жарыстар Ыстықкөл өңірінде ұйымдастырылады.
Биылғы Көшпенділер ойындарының ашылу рәсімі «Бішкек Арена» стадионында өтті. 51 мың көрерменге арналған спорт нысаны Орталық Азиядағы ең үлкен стадион саналады.
Стадионның құрылысы 2023 жылдың тамызында басталған. Бастапқыда арена 30 мың орынға жоспарланғанымен, кейін сыйымдылығы 51 мыңға дейін ұлғайтылды. Қырғызстандық БАҚ мәліметінше, нысан құрылысына шамамен 60 миллион доллар жұмсалған.
Айта кетейік, Дүниежүзілік көшпенділер ойындары алғаш рет 2016 жылы Қырғызстанның Шолпан-Ата қаласында өткен. Кейін 2018 жылы қайтадан Қырғызстанда, 2022 жылы Түркияның Изник қаласында, ал 2024 жылы Қазақстанның Астана қаласында ұйымдастырылды.
About the Author
