Қырғызстанда өтіп жатқан VI Дүниежүзілік көшпенділер ойындарында Қазақстан құрамасы қол күресінен 7 алтын жеңіп алды, деп жазады Sportbugin.kz.
Қазақстандық спортшылар сол және оң қол бойынша өткен жарыстарда жалпы 12 медаль жеңіп алды. Оның ішінде жеті алтын, төрт күміс және бір қола жүлде бар.
65 келіге дейінгі салмақта Ұлжан Оралбай екі күміс медаль иеленді. 65 келіден жоғары салмақта Мелена Сыдықжанова екі алтын медаль жеңіп алды.
70 келіге дейінгі салмақта Бақыт Ақжігітов бір күміс және бір қола медальға қол жеткізді. 80 келіге дейінгі салмақта Данил Устинов бір алтын және бір күміс медаль жеңіп алды.
90 келіге дейінгі салмақта Нұрдәулет Айдархан екі алтын медаль иеленді. Ал 90 келіден жоғары салмақта Медет Құттымұратов екі алтын медаль жеңіп алды.
Осылайша, Қазақстан құрамасы қол күресінен Көшпенділер ойындарында 12 жүлде еншіледі.
About the Author
