Самбодан төрт дүркін әлем чемпионы атанған жалғыз қазақ спортшысы Ерболат Байбатыров жеңіске жетудегі басты құпиясын айтты. Бұл туралы журналист Ақырыс Сейтқазының YouTube арнасына сілтеме жасаған Sportbugin.kz хабарлайды.
«1998 жылдан бастап 2008 жылға дейін он жыл жаттығу жасадым. Жетістікке жету үшін осылай істедім. Көше өміріне ілеспедім. Осы спортқа барлық жастығымды құрбан еттім. Бірақ жаттығудан қалмадым. Соның есесі қайтып, төрт дүркін әлем чемпионы атандым.
Жақында жергілікті спорт журналисті менің бапкерім Райымбек Меңдіғалиевтен сұхбат алыпты. Сол кезде бапкерім менің он жылда бірде-бір жаттығудан қалмағанымды айтыпты.
Жеңіске апарар жол оңай емес»,- деді Байбатыров.
Айта кетелік, Ерболат Байбатыров самбодан 4 дүркін әлем чемпионы. Қазақ күресі мен дзюдодан да ел намысын қорғаған.