Лондондағы кәсіпқой бокс кешінде чемпиондық белбеу үшін британдық Мозес Итаума мен хорватиялық Филип Хргович жұдырықтасты, деп хабарлайды Sportbugin.kz.
12 раундқа жоспарланған жекпе-жек тоғызыншы раундта мерзімінен бұрын аяқталды. Хргович қарсыласын нокаутқа түсіріп, IBF нұсқасы бойынша әлем чемпионы атанды.
Айта кетейік, жекпе-жектің екінші раундында Хргович нокдаунға түскен. Бұған қоса, кездесудің алғашқы бөлігінде Итаума басымдық танытқан. Алайда хорватиялық боксшы жекпе-жек барысын өзгертіп, тоғызыншы раундта қарсыласын нокаутпен жеңді.
Тоғызыншы раундта Итаума аяқ үстінде әрең тұрған. Осыны ескерген төреші жекпе-жекті тоқтатты. Сол сәтте британдық боксшының бұрышы да ақ орамалды рингке лақтырған.
Бұл — Итауманың кәсіпқой мансабындағы алғашқы жеңілісі. Ол бұған дейінгі 14 жекпе-жегінің барлығында жеңіске жеткен еді.
Ал Хргович 21-жеңісіне қол жеткізіп, оның 16-сын нокаутпен аяқтады.
Филип Хргович қазақстандық бокс жанкүйерлеріне жақсы таныс. Хорватиялық боксшы «Астана Арланс» клубының сапында өнер көрсетіп, Дүниежүзілік бокс сериясында (WSB) екі рет чемпион атанған.
About the Author
