Англия чемпионатында «Арсенал» ойыншылары өз алаңында «Челсиді» 5:0 есебімен ұтты, деп хабарлайды Sportbugin.kz.
Кездесу Лондондағы «Эмирейтс» стадионында өткен болатын.
Голды Леандро Троссард (4-минутта), Бен Уайт (52, 70) және Кай Хаверц (57, 65) соқты.
«Арсенал» мен «Челси» Англия чемпионатындағы 174-ші ойынын өткізді. «Арсенал» 69-шы жеңісіне қол жеткізді, «Челси» 54 рет мықтырақ болған, ал 51 кездесу тең нәтижемен аяқталды. «Челси» 4 ақпаннан бері ел чемпионатындағы алғашқы жеңілісіне ұшырады, команда өз алаңында «Вулверхэмптоннан» 2:4 есебімен жеңіліп қалды. Содан бері «Челси» лигада төрт ойында жеңіске жетіп, төрт ойында тең түсті.
«Арсенал» Ағылшын чемпионаты турнирлік кестесінде көш бастап тұр. Микель Артета командасы 34 ойында 77 ұпай жинады. Екінші орында 74 ұпаймен 33 ойын өткізген «Ливерпуль», үшінші орында 32 кездесуден кейін 73 ұпай жинаған «Манчестер Сити» орналасты. «Челси» 32 матчтан кейін 47 ұпаймен тоғызыншы орында.
Келесі ойында «Арсенал» 28 сәуірде сырт алаңда «Тоттенхэммен» ойнаса, бір күн бұрын «Челси» командасы «Астон Вилламен» кездеседі.