Футболдан Қазақстан ұлттық құрамасы Дубайдағы оқу-жаттығу жиынында Түркіменстан құрамасына қарсы жолдастық кездесу өткізді.
Қазақстан футбол федерациясының баспасөз қызметінің мәліметіне сүйенсек, жабық түрде өткен бақылау ойын 2:0 есебімен отандастарымыздың пайдасына шешілген.
Матчтың 2-минутында Ислам Чесноков есеп ашса, 47-минутта Александр Зуевтің қақпаға бағыттаған добы дәл тиген.
Айта кетейік, екі жақтың келісімі бойынша матч жабық түрде өтті. Осыған байланысты ойынның хаттамасы мен шолуы болмайды.