20-22 сәуір аралығында Гонконгта өтетін дзюдодан Азия біріншілігіне қатысатын отандық дзюдошылар есімі белгілі болды. Бұл туралы Sportbugin.kz хабарлайды.
Құрлық додасына қатысатын балуандар қатарында екі Олимпиаданың жүлдегері, Азия және әлем чемпионы Елдос Сметов те бар.
Соңғы маусымда Сметов бірде-бір жарыстан жүлде алған жоқ. Десе де, бапкерлер тәжірибелі спортшыға тағы бір мүмкіндік беріп отыр.
Ерлер:
60 келі: Елдос Сметов, Нұрқанат Серікбаев
66 келі: Ғұсман Қырғызбаев, Жанарыс Рахметқали
73 келі: Данияр Шамшаев, Асқар Нарқұлов
81 келі: Абылайхан Жұбаназар
100 келі: Нұрлыхан Шархан
+100 келі: Ерасыл Қажыбаев
Әйелдер:
48 келі: Абиба Абужақынова, Ғалия Тынбаева
57 келі: Бахыт Құсақбаева
63 келі: Эсмигуль Куюлова
70 келі: Екатерина Токарева
78 келі: Маргарита Гриценко, Аруна Жангельдина.
+78 кг. Камила Берліқаш, Ақерке Рамазанова.
Азия чемпионатының жеңімпазы рейтингте 700, күміс жүлдегер 490 ұпай алса, қола медаль алған 2 дзюдошыға 350 балл қосылады.