Моңғолия астанасы Ұлан-Батырда күрестен өткен Ulaanbaatar Open рейтингтік турнирі өз мәресіне жетті, деп жазады Sportbugin.kz.
Жарыстың соңғы күнінде қазақстандық балуандар бірнеше жүлдеге қол жеткізді. 125 келі салмақта Едіге Қасымбек финалға дейін жетіп, шешуші белдесуде үндістандық Динешке 0:2 есебімен есе жіберіп, күміс медаль иеленді.
61 келіде Асыл Айтақын да финалға дейін сүрінбей жеткенімен, алтын жүлде үшін өткен кездесуде үнді балуаны Дипакқа 0:6 есебімен жол беріп, күміс жүлдені қанағат тұтты.
Ал Әділет Әлмұхамедов (61 келі) қола медаль үшін белдесуде ресейлік Баир Баяндуевті 4:0 есебімен жеңсе, 57 келідегі Мейрамбек Қартбай тәжікстандық Айал Белолюбскийді 8:0 есебімен ұтып, қола жүлдегер атанды.
79 келі салмақта қола медаль үшін өткен қазақстандық балуандар арасындағы тартысты белдесуде Шәмсат Таир Нұрдәулет Қуанышбайдан 5:4 есебімен басым түсіп, үшінші орынға ие болды.
Осылайша, турнирдің соңғы жарыс күнінде Қазақстан құрамасының қоржынына 2 күміс және 3 қола медаль түсті.
About the Author
