Шорт-тректен Нидерландтың Роттердам қаласында өтіп жатқан әлем чемпионатында отандасымыз Денис Никиша күміс жүлдегер атанды.
Қазақстандық спортшы 500 метрге жарысудан мәре сызығына екінші болып жетті. Нәтижесі — 41.676.
Алтын медальді Қытай спортшысы иеленсе, қола Канада спортшыларына бұйырды.
Айта кетейік, бұл шорт-трек тарихында біздің спортшылар жеңіп алған тарихи медаль. Бұған дейін отандастарымыз ересектер арасындағы әлем чемпионатында жүлде алған емес.