Ұлттық допингке қарсы агенттік тағы төрт атлетті үлкен спорттан уақытша шеттетті, деп хабарлайды Sportbugin.kz.
Олардың қатарында Ханчжоудағы Паразиада ойындарының жүлдегері, дзюдошы Ерлан Қоңқиев те бар. Ол допинг офицерлеріне орналасқан жерлері туралы ақпарат бермеген және допинг тапсыратын мерзімдерді өткізіп алған.
Сол себепті, Қоңқиев 2025 жылдың 1 ақпанынан 2027 жылдың 1 ақпанына дейін жарыстардан шеттетілді.
Одан бөлек, қан құрамында метандиенон табылған ауыр атлет Бекболат Қалиұлы 4 жылға, допинг сынамасынан тестостерон табылған зілтемірші Аслан Бұрқанов 3 жылға спорттан аластатылды.
Грепплинг шебері Самат Әйтпанбет 3 жыл бойы үлкен жарыстарға қатыса алмайды.