Жамбылдық бапкер, жастар арасындағы әлем чемпионы Бексұлтан Боранбектің жаттықтырушысы Мұхтар Бердімбетов 55 келідегі бәсекелестікке қатысты ойын айтты, деп жазады Sportbugin.kz.
«55 келіде елімізде екі басты фаворит бар. Олар — Махмұд Сабырхан мен Сәкен Бибосынов. Екеуі де екі дүркін әлем чемпионы. Екеуі де Олимпиаданың дуын көрген батырлар.
Бұл екі боксшы 2028 жылғы Олимпиадаға дейін тартысады. Салмаққа талас жалғасады. Себебі, екеуі де жасы жағынан, әлемдік тәжірибе жағынан , шеберлігі жағынан бір-біріне қарайлас. Әлемді мойындатқан ғой.
Ал қалған боксшылар да жаман емес. Екі мықтының соңынан еріп келе жатқандар көп. Шәкіртім Бексұлтан Боранбек те осы салмақта. Бірақ тәжірибесі аздау, әлі жас», — деді Бердімбетов.
Айта кетелік, 2025 жылы Махмұд Сабырхан World Boxing әлем чемпионатында, Сәкен Бибосынов ІВА әлем чемпионатында топ жарған болатын
About the Author
