MMA жауынгері Зейнеп Оразхан допинг ережесін бұзғаны үшін әлем чемпионы атағынан айырылып, үш жылға спорттан шеттетілді, деп хабарлайды Sportbugin.kz.
Халықаралық тестілеу агенттігінің (ITA) мәліметінше, спортшының 2024 жылғы 14 желтоқсанда Индонезияда өткен GAMMA әлем чемпионаты кезінде тапсырған допинг-сынамасынан мельдоний анықталған.
Сонымен қатар ол 12 сағат ішінде 100 миллилитрден астам препаратты көктамыр арқылы қабылдағанын мойындаған. Бұл да тыйым салынған әдістер қатарына жатады.
Осылайша, Оразхан 2026 жылғы 20 қазаннан 2029 жылғы 19 қазанға дейін жарыстардан шеттетіледі. Оның 2024 жылғы әлем чемпионатындағы нәтижелері жойылып, жеңіп алған медалі де кері қайтарылады.
Айта кетейік, Зейнеп Оразхан Джакартада өткен әлем чемпионатында 72,6 келіге дейінгі салмақта топ жарған еді.
About the Author
