Мұхамедсабыр Базарбайұлы Таиландта өтіп жатқан Олимпиадаға іріктеу турнирінің екінші кезеңінде жеңіске жетті, деп жазады Sportbugin.kz.
63,5 келі салмақта сынға түсіп жатқан ол бүгін түркиялық Мизан Айкөлді жеңді. Бұған дейін Базарбайұлы филиппиндік қарсыласы Кристиан Питт Лауреттені ұтқан болатын.
Базарбайұлы Италияда өткен іріктеу турнирінің екінші айналымында жеңіліс тапқан еді.
Айта кетелік, бокстан Қазақстан командасы жеті салмақтың алтауында жолдама алып үлгерді. Енді бір салмақтағы квота мәселесі Таиландтағы соңғы іріктеу турнирінде шешілмек.
Фото: Сали Сабиров, Қазақстан ҰОК баспасөз қызметі