Алматы хоккейден алғашқы Азия чемпионатын қабылдайды, деп хабарлайды федерацияның баспасөз қызметіне сілтеме жасаған Sportbugin.kz.
Халықаралық хоккей федерациясының ұйымдастыруымен (ИИХФ) тарихта алғаш рет хоккейден Азия чемпионаты өтеді. Турнир 2024 жылдың 6 және 9 қарашасы аралығында Алматыдағы Halyk Arena-да өтеді деп жоспарланып отыр.
Қазақстан құрамасының қарсыластары Жапония, Корея және Қытай болмақ. Бұл – құрлықтың алғашқы чемпионаты ретіндегі тарихи оқиға. Мұнан басқа, Қазақстанның ерлер құрамасы Алматыда алғаш рет өнер көрсетеді.
Турнир матчтарының кестесі:
2024 жылғы 6 қараша, 16:00 – Жапония – Қытай
2024 жылғы 6 қараша, 19:30 – Қазақстан – Корея
2024 жылғы 8 қараша, 16:00 – Жапония – Корея
2024 жылғы 8 қараша, 19:30 – Қазақстан – Қытай
2024 жылғы 9 қараша, 16:00 – Қытай – Корея
2024 жылғы 9 қараша, 19:30 – Қазақстан – Жапония
Halyk Arena-дағы соңғы халықаралық хоккей жарыстары 2017 жылғы Қысқы универсиада аясында өтті, студенттер құрамасы турнирдің күміс медалін жеңіп алды. Сонымен қатар Алматы қаласы сонау 2003 жылы бірінші дивизиондағы жастар арасындағы әлем чемпионатының А тобын қабылдады. Шешуші матчта біздің «жастар» Жапониядан жеңілді.
Хоккейден әйелдер арасындағы Азия чемпионаты 2024 жылдың 31 қазаны мен 3 қарашасы аралығында Қытай астанасы – Бейжіңде өтеді. Онда сонымен қатар Қазақстан, Жапония, Корея және Қытай құрамалары өнер көрсетеді.
Айтып өтетін жайт, алдағы турнирлер 7 және 14 ақпан аралығында қытайлық Харбинде өтетін 2025 жылғы Азия ойындарына дайындық жарыстары болмақ.