Қазақстандық кәсіпқой боксшы Бекман Сойлыбаевтың (19-1-0, 10 КО) қарсыласы белгілі болды, деп жазады Sportbugin.kz.
23 ақпан күні Ақтауда өтетін бокс кешінде Adal Promotions командасының мүшесі Бекман Сойлыбаев басты жекпе-жек өткізеді.
Оның қарсыласы — кәсіпқой бокстан Африка чемпионы Абейд Зуго (15-0-0, 13КО). Ол әлемдік Boxrec рейтингінде 54-орында тұр.
Бүгінге дейін жеңіліп көрмеген екі боксшының кеші жанкүйерлердің үлкен қызығушылығын тудырып отыр.
Бұл айқаста екінші жеңіл салмақтағы UBO World Title белбеуі сарапқа салынады. Кездесу 12 раундқа созылады деп жоспарлануда.
Adal Promotions орталығы 2021 жылы құрылып, бүгінге дейін 4 бокс кешін өткізді. Ұйым ашылған бойда әуесқойлар арасындағы әлем чемпионы Бекзад Нұрдәулетовті қатарына қосқанымен танымал.
Бүгінде Adal Promotions Бекман Сойлыбаев, Нұрқанат Райыс, Саматәлі Төлтаев сынды танымал боксшылар өнер көрсетіп жүр.
Компания алдағы уақытта Алматы мен Астана секілді ірі қалаларда кәсіпқой боксшылар кездесуін өткізуді жоспарлауда.