Көркем гимнастикадан Ресейдің еңбек сіңірген жаттықтырушысы Вера Шаталина Қазақстан мен Өзбекстан арасындағы бәсекелестік КСРО заманынан бері келе жатқанын айтты, деп жазады Sportbugin.kz.
Вера Шаталина Өзбекстанда туып, өскен. Кейін әйгілі Ирина Винердің қолдауымен Мәскеуге ауысып, Ресей құрамасын жаттықтырды.
«Қазір Ресейдің ұлттық құрамасына ілігу қиын. Ал КСРО кезінде бұл 15 одақтас ел мен Мәскеу, Ленинград еді. Әрбір ел мен аймақ талантты спортшыларды өсірді.
Егер КСРО чемпионатында өзбекстандық спортшы үштікке енсе, бұл ең үлкен жетістік еді. Сол кездері жарысқа барарда Спорт министрі бізге Қазақстаннан ұтылмау керектігін айтатын.
«Сіздер соңғы орындардың бірін алсаңыздар да, Қазақстаннан қалып қоймаңдар», — дейтін. Ал Қазақстанда керісінше Өзбекстаннан қалмауды тапсырады», — деді Шаталина.
About the Author
