Бокстан Дубайдағы ІВА әлем чемпионатында Ерасыл Жакпеков жарыс жолынан шығып қалды, деп жазады Sportbugin.kz.
80 келі салмақта сынға түскен Ерасыл Жакпеков 1/8 айналымда ресейлік Джамболат Бизамовпен кездескен болатын.
Алғашқы раундта төрешілер 4:1 есебімен жеңісті ресейлік боксшыға берді. Екінші раундта Ерасыл Жакпеков 3:2 есебімен таразы басын теңестірді.
Үшінші раундта Ерасыл қарсыласын нокдаунға жіберіп, толассыз соққыларын дарытқан болатын.
Алайда, төрешілер ресейлік Бизамовтың қолын көтерді. Осылайша, әлем чемпионатында алғашқы қазақ боксшысы турнирді аяқтады.
About the Author
