Кайл Снайдер Астанада өтіп жатқан күрес түрлерінен әлем чемпионатының жартылай финалына жолдама алды, деп жазады Sportbugin.kz.
97 келіге дейінгі салмақ дәрежесінің ширек финалында Снайдер екі дүркін Олимпиада чемпионы, әлемнің алты дүркін чемпионы Абдулрашид Садулаевпен кездесті.
Тартысты өткен кездесуде америкалық балуан 4:4 есебімен жеңіске жетті. Ол соңғы ұпайды иеленгендіктен, жеңімпаз атанды. Енді Снайдер финалға шығу үшін польшалық Збигнев Матеуш Барановскиге қарсы күреседі.
Садулаевтың ширек финалда жеңілуіне байланысты Ризабек Айтмұхан әлем чемпионатындағы жолын аяқтады.
Отандасымыз 1/8 финалда ресейлік балуанға есе жіберген еді. Садулаев жартылай финалға өткен жағдайда ғана Ризабек жұбаныш белдесуіне қатысу мүмкіндігіне ие болар еді.
About the Author
