12-17 мамыр аралығында Алматы қаласында грек-рим, еркін және әйелдер күресінен Қазақстан кубогы өтеді, деп жазады Sportbugin.kz.
Аталған бәсекеге еліміздің түкпір-түкпірінен 800-ден астам балуан жүлдеге таласады.
Айта кету керек, бұл турнирге халықаралық жарыстарда ел намысын қорғап жүрген спортшылар да қатысады. Бәсекенің негізгі мақсаты — алда өтетін ірі халықаралық додаларға ұлттық құраманы жасақтау.
Жарысқа қатысушылар қатарында әлем чемпиондары Ризабек Айтмұхан, Нұрқожа Қайпанов, Айдос Сұлтанғали, Олимпиада жүлдегері Демеу Жадыраевтар бар.
Алғашқы медальдар грек-рим күресінде сарапқа салынады. Одан кейін жарыс жолына әйелдер шығады. Турнирді еркін күрес балуандары аяқтайды.
About the Author
