Венгрияда өтіп жатқан күрес түрлерінен рейтингілік турнирде Демеу Жадыраев пен қырғызстандық Ақжол Махмұдов өзара белдесті, деп жазады Sportbugin.kz.
82 келіге дейінгі салмақ дәрежесіндегі Олимпиададан кейінгі қарымта белдесуде де Демеу Жадыраев басым түсіп, кездесуді 2:1 есебімен өз пайдасына аяқтады.
Осылайша, Жадыраев Ақжол Махмұдовты екінші рет қатарынан жеңіп, олардың өзара кездесулеріндегі есепті 2:0-ге жеткізді.
Алайда Демеудің жүлдеге талас жолы ширек финалда аяқталды. Ол әлем чемпионы, түркиялық Бурхан Акбулакқа тартысты белдесуде 6:7 есебімен есе жіберді.
Кейін Бурхан Акбулак жартылай финалда Бахрейн өкілі Шахин Бадахимофрадтан 1:8 есебімен жеңіліп, финалға шыға алмады. Демеу Жадыраев жұбаныш белдесуіне қатысу мүмкіндігінен айырылып, Будапешттегі рейтингілік турнирді жүлдесіз аяқтады.
About the Author
