Аргентина құрамасының жартылай қорғаушысы Леандро Паредес әлем чемпионатының финалынан кейін болған жанжал үшін әзірге жаза алған жоқ, деп жазады Sportbugin.kz.
Матч аяқталған соң алаңда төбелеске ұласқан жанжал кезінде Паредес Испания құрамасының қорғаушысы Эрик Гарсияға, кейін Гавиге тап берген. Аргентиналық футболшы испаниялық ойыншы жерге құлаған сәтте оны ұрып жіберген.
BBC Sport мәліметінше, FIFA-ның комментаторларға арналған ақпараттық жүйесінде Паредеске қызыл қағаз көрсетілгені қате жазылған. Кейін бұл ақпарат өшіріліп, FIFA сол сәтте аргентиналық футболшыға қатысты ешқандай тәртіптік шара қолданылмағанын растады.
Сонымен қатар FIFA-ның тәртіптік комитеті матч аяқталғаннан кейін алаңда болған оқиғаларға қатысты тергеу бастады.
Айта кетейік, 2026 жылғы әлем чемпионатының финалында Аргентина құрамасы Испаниядан қосымша уақытта 0:1 есебімен жеңілді.
About the Author
