Грек-рим күресінен Қазақстан құрамасының бас бапкері Қонысбек Төкенов Будапешттегі рейтингілік турнирді қорытындылады, деп жазады Sportbugin.kz.
Бас бапкер 60 келі салмақтағы финалдық жекпе-жектің өтпеуіне қатысты пікір білдірді. Ақтық сында қазақ балуаны Ернұр Фидахметов қырғыз күресінің жұлдызы, екі дүркін әлем чемпионы Жоламан Шәршенбековпен күресуден бас тартқан болатын.
«Ернұр екінші белдесуде ауыр жарақат алды. Өзбек балуаны күрес кезінде басымен тамағынан итеріп жіберген. Сол кезде-ақ, біз Фидахметовты жарыстан алып тастаймыз деп шешкенбіз. Бірақ осы турнирде Азия ойындарына баратын балуандар анықталатындықтан, Ербол Камалиев екеуінің белдесуін көруді ұйғардық. Егер осы кездесуді көрсеңіздер, Ернұрдың демала алмай, әрең күрескенін байқайсыздар. Содан соң, оны дереу ауруханаға жіберіп, ақтық сыннан бас тарттық. Енді соңғы сөзді дәрігер айтады», — деді Қонысбек Төкенов.
About the Author
