«Бавария» жартылай қорғаушысы Йозуа Киммих осы жазда клубтан кетуі мүмкін.
Флориан Плеттенбергтің мәліметіне сүйенсек, егер жақсы ұсыныс түссе, «Бавария» Киммихті жазғы трансфер кезеңінде сатуға әзір. Сонымен қатар, жартылай қорғаушының өзі де ауысу мүмкіндігін қарастырып отыр.
Журналистің сөзінше, қазір Киммихке бес топ-клуб ұсыныс тастамақ. Олар: «Манчестер Сити», «Ливерпуль», «Арсенал», «Реал Мадрид» және «Барселона». Аталған клубтардың кейбірі тіпті Киммихпен байланысқа шығып үлгерген.Неміс ойыншысы «Манчестер Юнайтед», «Челси» және «ПСЖ» клубтарына ауысу мүмкіндігін қарастырмайды.