Иорданияның Амман қаласында өтетін күрестен Азия чемпионатына Қазақстан командасы сапынан екі легионер қатысады, деп жазады Sportbugin.kz.
Грек-рим күресінен 87 келі салмақта Шамиль Ожаев, еркін күрестен 70 келі салмақта Начын Куулар белдеседі.
Екі спортшы да Ресей тумасы, бұрын сол елдің намысын қорғап, әлемдік жарыстарда көзге түскен.
Екеуінің де Қазақстанға келгеніне 2-3 жылдың жүзі болды. Былтырғы ел чемпионатында Куулар жүлдеден қағылса, Ожаев кілемге шықпай қойған болатын.
Арада біраз уақыт өткен соң, екеуі де алғашқы ресми халықаралық жарыстарына қатыспақшы.
Ал Қазақстанға келген соң сұхбат берген Ожаев ұлттық құрамаға кіру ойында да жоқ екенін айтқан еді.
Легионерлерге құшағын айқара ашатын күрес федерациясы енді кімді алып келеді екен?!