Кәсіби теннисшілер қауымдастығы (ATP) жекелей және жұптық сында жаңартылған рейтингіні жариялады.
Тізімге сәйкес, Қазақстанның бірінші ракеткасы Александр Бублик 20-орыннан 18-орынға көтеріліп, жеке рекордын орнатты. Тағы бір қазақстандық Александр Шевченко 51-ден 58-ге, ал Денис Евсеев 180-нен 184-ке төмендеді. Михаил Кукушкин 140-тан 139-ға жоғарыласа, Бейбіт Жұқаев 191-сатыда қалды. Жақында Бразилиядағы доданың жеңімпазы атанған Дмитрий Попко 276-дан бірден 250-орынға көтерілді.
Жұптық сында Александр Недовесов 45-тен 46-ға төмендеді. Ал Андрей Голубевтің (71) орны өзгерген жоқ.