Жапониялық балуан, Олимпиада чемпионы Ақари Фудзинами 2017 жылдан бері алғаш рет жеңіліс тапты, деп жазады Sportbugin.kz.
22 жастағы спортшы Жапонияда өтіп жатқан Азия ойындарының жартылай финалында КХДР өкілі Сон Иль Симге есе жіберді. Осылайша, Фудзинами 2017 жылдан бері жалғасып келе жатқан жеңісті сериясын үзді. Жапониялық балуан осы уақыт аралығында қатарынан 155 белдесуде жеңіске жеткен.
Бұған дейін Фудзинами 53 келіге дейінгі салмақта өнер көрсетсе, Париж Олимпиадасынан кейін 57 келіге дейінгі салмақ дәрежесіне ауысқан.
Ақари Фудзинами — 2024 жылғы Париж Олимпиадасының чемпионы, әлемнің екі дүркін және Азияның екі дүркін чемпионы. Сондай-ақ ол 2022 жылғы Азия ойындарында да топ жарған.
About the Author
