Қазақстан мен Фарер аралдарының футболдан ұлттық құрамалары Ұлттар лигасының 2026/27 жылғы маусымы аясында тең тарқасты, деп жазады Sportbugin.kz.
Командалар С3 тобындағы төртінші турда «Астана Аренада» кездесті. Ойын 2:2 есебімен аяқталды.
Матчтың алғашқы бөлігінде қонақтар екі гол соқты. 22-минутта Пётур Кнудсен есеп ашса, 63-минутта Геза Давид Тури Фарер аралдарының басымдығын еселей түсті.
68-минутта қонақтар құрамындағы Мартин Агнассон екінші сары қағазын алып, алаңнан қуылды. Сан басымдығын пайдаланған Қазақстан құрамасы есепті теңестірді. Алдымен Сергей Малый 68-минутта мергендік танытса, 76-минутта Нұралы Әліп есепті 2:2-ге жеткізді. Бұл голға Максим Самородов нәтижелі пас берді.
85-минутта Сергей Малый тікелей қызыл қағаз алып, алаңнан қуылды. Осылайша екі команда да ойынды он футболшымен аяқтады.
Айта кетейік, бұл матч Сергей Малый үшін Қазақстан құрамасындағы 77-ойын болды. Осы көрсеткіш арқылы ол ұлттық құрама сапында ең көп матч өткізген Самат Смақовтың рекордын жаңартты. Смақовтың еншісінде 76 ойын бар.
Төрт турдан кейін Қазақстан құрамасы 2 ұпаймен С3 тобында соңғы орында келеді. Фарер аралдары 4 ұпаймен екінші орында. Ал Словакияның 6, Молдованың 4 ұпайы бар.
About the Author
