Хоккейден Қазақстан ұлттық құрамасы мен Магнитогорсктің (Ресей) «Металлург» командасының ойыншысы Никита Михайлис Грекияға қарсы матч алдында қазақстандық футболшыларға қолдау білдірді.
Никита Михайлис хоккейшілер қазір плей-офф кезеңі болып жатқанына қарамастан, футболдан Қазақстан құрамасының ойындарын мұқият бақылап отырғанын айтты.
«Біздің футболшыларымызды Грекияға қарсы тарихи матч күтіп тұр. Мен «Барыста» ойнаған кезде біз стадионға барып, оларға қолдау көрсететінбіз. Жігіттерге сәттілік тілеймін, олар керек нәтижеге жететініне сенімдімін», – деді Никита Михайлис.
Айта кетейік, футболдан Қазақстан құрамасы 21 наурыздан 22 наурызға қараған түні Ұлттар лигасының плей-офф сатысында Грекияға қарсы матч өткізеді. Ойын сағат 00:45-те басталады және «Qazsport», «Qazaqstan» телеарналарында тікелей эфирде көрсетіледі.
About the Author
