Қазақстанда Олимпиадаға қатысатын тағы бір споршыға ерекше сый-құрмет жасалды, деп жазады Sportbugin.kz.
Әлем чемпионатының екі дүркін қола жүлдегері, Азия чемпионы Айдос Сұлтанғалиға облыстық күрес федерациясы қымбат көлік сыйға тартты.
Бұл грек-рим күресінің шеберіне көрсетіліп отырған алғашқы үлкен құрмет. Бұған дейін Айдостың жетістіктері елеусіз қалған болатын.
Айта кетелік, Айдос Сұлтанғали Париж Олимпиадасында 60 келі салмақта бақ сынайды.
Бұған дейін еркін күрес шебері Юсуп Батырмұрзаевқа жерлестері көлік тарту етсе, бокстан Олимпиадаға жолдама алған спортшыларға федерация 20 мың доллардан табыстады.