Грузияның Тбилиси қаласында өтіп жатқан пара дзюдодан әлем кубогында Қазақстан құрамасы сәтті өнер көрсетуде, деп жазады Sportbugin.kz.
Әлем кубогында Ақмарал Науатбек (J2, -52 кг) барлық қарсыласынан басым түсіп, алтын медаль иеленді! Финалда ол Германия өкілі Изобель Тайды жеңіп кетті.
Ақмарал бұл бәсекеде Паралимпиада чемпионындарына ғана берілетін алтын түсті жапсырмамен күрескенін айта кету керек.
Сондай-ақ, Тбилиси татамиінде Ғалымжан Смағұлұлы (J2, -81 кг) күміс медаль еншіледі. Ол финалда италиялық спортшыға есе жіберген.