Германияның Дортмунд қаласында өткен күрестен Гран-при турнирінде қазақстандық балуандар бірнеше медальмен көзге түсті, деп хабарлайды Sportbugin.kz.
Грек-рим күресінен Қазақстан командасы неміс жеріндегі турнирде жеті медаль жеңіп алып, жалпы командалық есепте бірінші орын иеленді.
Қазақстан сапынан Бағдат Сабаз (67 келі) бен Демеу Жадыраев (77 келі) чемпион атанды.
Ербол Қамалиев (60 келі) пен Омар Сатаев (82 келі) күміс медаль иеленсе, Асаухаат Мұхамдиев (63 келі), Мейіржан Шермаханбет (67 келі) және Айбек Сабырбековтер (60 келі) қола жүлде еншілеген.
Айта кетелік, бұл Демеу Жадыраевтың Париж Олимпиадасынан кейін қатысқан алғашқы жарысы. Бұған дейін балуан бір жыл бойы кілемге шыққан жоқ.