Мысыр құрамасының бас бапкері Хоссам Хассан әлем чемпионатының 1/8 финалында Аргентинамен матчтан кейін өткір пікір айтты, деп жазады Sportbugin.kz.
«Бұл кездесуде біз Аргентинадан жақсы ойнадық. Бірақ футбол әділетсіз болды. Бұл — құрмет те, әділ ойын да емес. Төреші еш себепсіз біздің голымызды есепке алмады. Есеп 3:1 болуы мүмкін еді.
Меніңше, FIFA Лионель Мессинің тағы да әлем чемпионы болғанын қалайды.
Бұл — коммерциялық турнир, сондықтан олар Мессидің маркетинг үшін жарыста мүмкіндігінше ұзақ қалғанын қалайды.
Соған қарамастан, футболшыларыма алғыс айтамын. Олар тапсырманы толық орындады және мысырлық, араб әрі африкалық футболдың деңгейін көрсетті. Жеңілгенді жек көремін, бірақ бұл жолғы жеңіліс әділетсіз болды», — деді Хассан.
Айта кетейік, Мысыр құрамасы әлем чемпионатын 1/8 финалда аяқтады. Ал Аргентина ширек финалда Швейцариямен кездеседі.
About the Author
