Қазақстан футбол федерациясы ұлттық құраманың жаңа бас бапкерін іздеуді жалғастырып жатыр. Үміткерлердің тізіміне шымкенттік «Ордабасы» клубының бас бапкері Андрей Мартин де енді, деп хабарлайды Sportbugin.kz.
Бұл туралы блогер Эльдар Аманбаев мәлімдеді.
«Қазақстан футбол федерациясы бас хатшы Скотт Манн жетекшілігімен жаңа бас бапкерді іздеуді жалғастырып жатыр. Алайда шешім қабылдауға уақыт барған сайын азайып келеді. Қыркүйек айының соңында Қазақстан құрамасын Ұлттар лигасындағы аса маңызды матчтар күтіп тұр. Жаңа бапкерді таңдауда оның табысты жұмыс тәжірибесі мен жеңіп алған жүлделері негізгі талаптардың бірі болып қала береді. Федерация басшылығы дәл осындай жетістігі бар мамандарға басымдық беруде.
Шетелдік мамандармен келіссөздердің күрделілігіне байланысты Қазақстан футбол федерациясы жыл соңына дейін ұлттық құраманы уақытша бас бапкерге сеніп тапсыру нұсқасын да қарастырып отыр. Себебі көптеген шетелдік маман түрлі себептермен қазіргі уақытта Қазақстанда жұмыс істеуге дайын емес», — делінген жазбада.
About the Author
