Бразилиялық аралас жекпе-жек шебері Аллан Насименто 34 жасында өмірден өтті, деп жазады Sportbugin.kz.
Спортшы 3 тамыз, дүйсенбі күні таңертең өз үйінде көз жұмған. Алдын ала болжам бойынша, өлімге жүрек талмасы себеп болған.
Аллан Насименто ММА мансабында 29 жекпе-жек өткізіп, оның 22-сінде жеңіске жетсе, жеті рет жеңіліс тапқан.
Ол октагондағы соңғы кездесуін бір ай бұрын UFC Vegas 119 турнирінде өткізіп, америкалық Митч Рапосодан төрешілердің екіге бөлінген шешімімен жеңілген болатын.
About the Author
