Дағыстандық маман Маирбек Юсупов Қазақстанның еркін күрес құрамасына қайта оралды. Ол ұлттық құрама бас бапкерінің көмекшісі қызметіне кірісті, деп хабарлайды Sportbugin.kz.
Бұған дейін де ұлттық құрамада еңбек еткен маман тағы да бапкерлер штабының құрамына қосылып отыр. Федерация бұл шешімді алдағы Азия ойындары, Астанада өтетін әлем чемпионаты және олимпиадалық цикл алдындағы дайындықпен байланыстырды.
Дайындық мерзімінің қысқалығын ескерген федерация құрамамен бұрыннан жұмыс істеген маманның тәжірибесіне сенім артқан. Оның міндетіне балуандардың техникалық және тактикалық дайындығын жетілдіру, оқу-жаттығу процесіне қатысу кіреді.
Айта кетелік, дағыстандық маман 2017-2021 жылдар аралығында Маирбек Юсупов ұлттық құрамада кеңесші-бапкерлердің бірі болды. Юсуповтың жетекшілігімен де қазақ балуандарының арасынан не әлем чемпионы, не Олимпиада чемпионы шыққан жоқ. Тек ресейлік легионер Артас Сана ғана Токио Олимпиадасында қола медаль алса, әлем чемпионатында күміске қол жеткізді.
About the Author
