Маңғыстау облысының өкілі Жантілек Нұртілепұлы қазақ күресінен елдің басты додасы «Qazaqstan Barysy — 2026» турнирінінің жеңімпаз атанды, деп жазады Sportbugin.kz.
Жантілек Нұртілепұлы жартылай финалда Қостанай облысының өкілі Алмас Жұмағалиды жеңіп, финалға жолдама алды.
Шешуші белдесуде Жантілек Нұртілепұлы Жамбыл облысының өкілі, «Qazaqstan Barysy — 2023» жеңімпазы Ғалымжан Қырықбаймен кездесіп, тәжірибелі қарсыласынан басым түсті.
Осылайша, Маңғыстау облысының балуаны алғашқы қатысуында-ақ «Qazaqstan Barysy» алтын белбеуінің иегері атанды.
Жарыстың екінші орнын Жамбыл облысының өкілі Ғалымжан Қырықбай, ал үшінші орынды Шымкент қаласының балуаны Нұрсұлтан Қожагелдіұлы иеленді. Үшінші орын үшін белдесуде ол Қостанай облысының өкілі Алмас Жұмағалидан басым түсті.
Турнир жеңімпазы алтын белбеумен бірге 15 миллион теңге, күміс жүлдегер күміс белбеу және 3,5 миллион теңге, ал қола жүлдегер қола белбеу және 1,5 миллион теңге көлемінде сыйақы алды.
About the Author
