Махмұд Сабырхан бірінші жекпе-жектен кейін Олимпиада ойындарын аяқтаған үшінші қазақ боксшысы болды, деп хабарлайды Sportbugin.kz
Сабырхан (57 келіге дейін) испаниялық Хосе Кильес Бротонстан 1:4 есебімен ұтылды. Бұған дейін Асланбек Шымбергенов (71 келіге дейін) пен аса ауыр салмақтағы Қамшыбек Коңқабаев жарыс жолынан шығып қалған болатын. Олардың қарсыластары Иордания мен Испания сияқты «бокс державаларының» өкілдері болды
Бокстан Қазақстан құрамасының бұрынғы бас бапкері Тұрсынғали Еділов (оның басшылығымен боксшыларымыз Сидней Олимпиадасында тарихтағы ең үздік нәтижеге қол жеткізді) Сабырханның сенсациялық жеңіліске ұшырауының себептеріне пікір білдірді.
— Испандық өте жақсы жекпе-жек өткізді. Ол өзінің бойының артықшылығын пайдаланып, жақсы қозғалып, Махмұдқа бірнеше рет күшті соққы берді. Сабырханның жекпе-жек жоспары жоқ сияқты. Нұрбек Оралбай сияқты рингке шығып, қарсыласын соққы астына алмақ болды. Бірақ Нұрбектің жолы болды, ол технарь қарсылас емес еді, ал Кильес техникасы қойылған, ойыншы. Ең сорақысы мен Сабырхандағы жекпе-жек қисынын көрседі. Бұрын ол қулықпен қарсыластарын алдап, ойнатып бокстасатын. Мұнда ол тек өз күшіне сүйенді. Бірақ бұл да жеткіліксіз болды. Үшінші раундта белсенді болу қажеттілігі бәріне түсінікті болғанда, мұны істей алмады. Күші қалмады.