АҚШ-тың Пуэбло қаласында World Boxing ұйымы өткізіп жатқан 19 жасқа дейінгі боксшылар арасындағы әлем чемпионатында екі спортшымыз финалға шықты, деп хабарлайды Sportbugin.kz.
65 келі салмақта сынға түсіп жатқан Асылхан Көшербай украиналық Максим Наженскийді жеңіп, финалға шықты. Алтын үшін өтетін жекпе-жекте ол австралиялық боксшымен айқасады.
Сондай-ақ, 85 келіде бақ сынайтын Даниял Райымбеков Оңтүстік Корея өкілі Минг Сеонгты аса қиындықсыз жеңді. Ол финалда Уэльс спортшысына қарсы шығады.
Финалдық жекпе-жектер 2 қарашаға жоспарланған.