Қытайдың Харбин қаласында қысқы Азия ойындары аяқталды. Өкінішке қарай, Қазақстан құрамасы егемендік алғалы бергі ең нашар нәтижесін көрсетті, деп жазады Sportbugin.kz.
Харбиндегі қысқы Азиадада Қазақстан құрамасы 4 алтын, 9 күміс және 7 қола медаль жеңіп алды. Ең соңғы рет ең нашар нәтижені қазақстандықтар 2007 жылы көрсеткен болатын. Сол жолы біздің команда 6 алтын, 6 күміс және 6 қола иеленген.
Бұл жолғы нәтиже мүлде нашар. Кей өңірлерін алты ай қар басып жататын Қазақстан шаңғы жарысы, конькимен жүгіру сынды спорт түрлерінен алтынсыз қалды.
Келесі жылы Миланда қысқы Олимпиада басталатынын ескерсек, команданың қазіргі ахуалы өте қиын.
Фото: Тұрар Қазанғапов