Бокстан Сербияның Ниш қаласында өтіп жатқан әйелдер арасындағы әлем чемпионатында тағы бір қазақ қызы финалға жолдама алды, деп жазады Sportbugin.kz.
63 келі салмақта жұдырықтасатын Аида Әбікеева жартылай финалда ресейлік Елена Бабичеваны 5:0 есебімен сенімді жеңді.
Қарағандылық боксшы қыздың финалдағы қарсыласы — таиландтық Тананя Сомнуек.
Аида ересектер арасындағы Азия чемпионы екенін де еске саламыз.
Айта кетелік, бұған дейін Қазақстан сапынан Назым Қызайбай (48 келі), Алуа Балқыбекова (50 келі) және Виктория Графеева (60 келі) финалға жолдама алған болатын.