Грек-рим күресінен Қазақстан командасы Түркияның Анталия қаласында өткен Yaşar Doğu — Vehbi Emre — Hamit Kaplan атындағы халықаралық турнирге қатысты, деп жазады Sportbugin.kz.
Отандық «классиктер» маусымды сәтті бастап, 4 медальға қол жеткізді.
Ел қоржынына қос алтын жүлде түсті: 72 келіде Юсуф Ашрапов чемпион атанса, 67 келіде Бағдат Сабаз қарсыластарын айқын басымдықпен ұтып, турнир жеңімпазы атанды.
Сонымен қатар, 63 келіде Еркебұлан Ардақов пен 97 келіде Рахат Бержанов қола жүлдеге қол жеткізіп, Қазақстан құрамасының жалпы нәтижесін нығайтты.
Жарыс қорытындысында Қазақстанның грек-рим күресі құрамасы 104 ұпай жинап, командалық есепте 3-орын иеленді.
Аталған турнир жыл сайын әлемнің мықты балуандарын жинайтын дәстүрлі халықаралық дода саналады және жаңа маусым алдындағы маңызды сынақтардың бірі ретінде бағаланады.
About the Author
