Әйелдер күресінен Қазақстан ұлттық құрамасына әлі бас бапкер тағайындалған жоқ. Федерация өкілдері жақын арада жаңа бапкердің есімін жарияламақ, деп жазады Sportbugin.kz.
2025 жылдың соңында өткен қорытынды жиында әйелдер құрамасының бас бапкерлігіне Әділет Ермаков үміткер болған. Алайда, қазіргі таңда Ермаковтың кандидатурасы қаралып жатқан жоқ.
Федерация басшылығы Қазақстан әйелдер құрамасына бас бапкер болатын маманды әзірге құпия ұстап отыр. Ұлттық құрама сәуір айында өтетін Азия біріншілігіне дайындықты бастауға тиіс.
Әзірге, жекелеген спортшылар Ресейде өткен «Иван Ярыгин кубогы» халықаралық турнирінде бақ сынап келді.
Айта кетелік, Қазақстан әйелдер құрамасын бұған дейін Қайрат Сағадиев жаттықтырып келді. Өкінішке қарай, Сағадиевтің командасы Париж Олимпиадасынан сырт қалып, соңғы әлем біріншілігінде балуан қыздар бірінші айналымнан аса алған жоқ.
Ал еркін күрестен Қазақстан командасына белгілі балуан Данияр Қайсанов бас бапкер атанды.
About the Author
