Садақшы Ильфат Абдуллин Словенияның Камник қаласында өтіп жатқан Veronica’s Cup халықаралық турнирінің чемпионы атанды, деп жазады Sportbugin.kz.
Отандасымыз классикалық садақ атудан жекелей сында сәтті өнер көрсетіп, финалға дейін жетті. Ал шешуші бәсекеде үндістандық Сачин Гуптаны 6:4 есебімен жеңіп, алтын медальді қанжығасына байлады.
Айта кетейік, аталған турнирде Қазақстан құрамасы тағы бір жүлдеге қол жеткізді. Блоктық садақ атудан әйелдер арасындағы командалық сайыста Адель Жексенбинова, Роксана Юнусова және Виктория Ляннан құралған ұлттық құрама қола медаль иеленді.
About the Author
