ММА менеджері Саят Абдрахманов Арман Әшімовке қатысты келеңсіз жағдай туралы айтты, деп хабарлайды Sportbugin.kz.
Менеджердің сөзінше, қазақстандық спортшының Rizin-дегі дебюті салмақ қуу кезіндегі тәртіп бұзушылықпен есте қалған.
«Арман салмақты түсіре алмады. Оның үстіне, салмақ қууын жалғастырудың орнына жұрттың көзінше су іше бастады. Жапонияда бұған өте қатаң қарайды. Бұл оның беделіне ғана емес, болашақта басқа қазақстандық спортшылардың осы ұйымға жол ашуына да кері әсер етті», — деді ProMMA подкастында Абдрахманов.
Саят Абдрахманов жекпе-жектен кейін Арман Әшімовтің байланысқа шықпай қоңыраулар мен хабарламаларға жауап бермегенін айтты. Сондай-ақ менеджер жауынгердің бұрышында болған мамандардың Жапонияға жол шығынын өз қалтасынан төлегенін жеткізді.
«Спортшыларымыз мұндай дүниеге кәсіби тұрғыда қарауы керек. Өкініштісі, ол тек өзіне емес, маған да зиянын тигізді, ең бастысы — Қазақстаннан баратын келесі спортшылардың жолын жапты», — деді менеджер.
Айта кетейік, Арман Әшімов бірнеше жыл бұрын Жапонияның Кобе қаласында өткен Rizin Landmark 9 турнирінде дебют жасап, жергілікті спортшы Юсаку Накамурадан төрешілердің бірауызды шешімімен жеңілген болатын.
About the Author
