Албанияның Тирана қаласында өтіп жатқан Олимпиада бағдарламасына енбейтін салмақ дәрежелері бойынша әлем чемпионатында қазақстандық Жәмила Бақбергенова жартылай финалға өтті, деп хабарлайды Sportbugin.kz.
Әйелдер күресінен 72 келіге дейінгі салмақта сынға түсіп жатқан Жәмила турнир барысында Молдова мен Чехия балуандарын ұтты.
Жартылай финалда қазақстандық бұрымды балуан моңғолиялық қарсыласымен күш сынасады.
Айта кетелік, Жәмила Бақбергенова бұған дейін әлем чемпионатында екі рет күміс, бір рет қола медаль иеленген.