Қазақстандық UFC жауынгері Шавкат Рахмонов ауыр операциялардан кейін жаттығу процесіне қайта оралды. Алайда ресейлік сарапшылар оның бұрынғы деңгейіне қайта жетуіне күмәнмен қарап отыр, деп жазады Sportbugin.kz.
«Около ММА» телеграм-арнасының авторлары жарақаттар мен хирургиялық араласулар спортшының мансабына айтарлықтай әсер етуі мүмкін екенін атап өтті.
«UFC жартылай орта салмақтағы рейтингтің бұрынғы көшбасшысы Шавкат Рахмонов қайтадан жаттығу залында көрінді. Бұл, әрине, қуантады. Бірақ мұндай ауыр жарақаттар мен операциялардан кейін бұрынғы деңгейге оралу өте қиын. ММА тарихы көрсеткендей, медицина спортшыны қалпына келтіргенімен, оның ең үздік формасы мен ерекше шеберлігі толықтай қайтып келе бермейді», — деп жазды ресейлік ресурс.
Айта кетейік, бұған дейін Шавкат Рахмонов денсаулығына байланысты UFC-дегі чемпиондық жекпе-жектен бас тартуға мәжбүр болған еді.
About the Author
