Екі дүркін Олимпиада чемпионы Садулаевтың жарақаты туралы жаңа мәлімет шықты, деп хабарлайды Sportbugin.kz.
Садулаевқа тізесінің бүйірлік байламының жартылай үзілуі диагнозы қойылған. Ол бұл жарақатты Тбилисиде өткен RAF лигасының турнирінде америкалық Кайл Снайдерге қарсы белдесу кезінде алған. Кездесу аяқталған соң ресейлік балуан кілемнен өздігінен кете алмаған.
Ал спорт шолушысы Курбан Рагимов «Абдулрашидке қатысты жақсы жаңалық бар. Жарақат бастапқыда ойлағандай ауыр емес болып шықты. Дәрігерлер тізесінің бүйірлік байламының жартылай үзілгенін анықтады. Алдын ала болжам бойынша, ол бір айдан кейін жаттығуға қайта орала алады», — деп жазды Рагимов.
Айта кетейік, әзірге Садулаевтың Астанада өтетін әлем чемпионатына қатысатыны белгісіз. Себебі Ресей құрамасының әлем чемпионатына арналған ішкі іріктеу жарысы шілде айында өтеді. Егер Садулаев оған қатыса алмаса, онда әлем чемпионатына жолдамадан қағылуы мүмкін. Бұл жағдайда Астанада өтетін додада Ризабек Айтмұханның қарсыластарының бірі жарыстан тыс қалуы ғажап емес.
About the Author
