Алматылық «Қайрат» Қазақстан Премьер-лигасының 19-туры аясында шымкенттік «Ордабасыны» жеңді, деп хабарлайды Sportbugin.kz.
Алғашқы таймның 14-минутында Марк Гуаль баспен соққан голы арқылы есеп ашты. Екінші таймда қонақтар белсенділігін арттырғанымен, 87-минутта Ойва Юккола алыстан соққан соққысымен есепті 2:0-ге жеткізді. Ал кездесудің соңғы минуттарында Берн Йонсен бір гол соғып, ойынның қорытынды есебін белгіледі – 2:1.
Осы жеңістен кейін «Қайрат» 44 ұпаймен турнир кестесінде көш бастады.
Ал матчтың соңғы минуттарында «Қайрат» пен «Ордабасы» арасындағы кездесуде елеулі жанжал туындады. Шымкенттік клубтың қосалқы құрамындағы ойыншы алматылық команданың бас бапкері Рафаэль Уразбахтинге ым (жест) көрсетті.
Бапкер бұған жауап ретінде қарсы жаққа қарай ұмтылды. Алайда командалар дер кезінде араласып, жаттықтырушыларды ажыратып үлгерді.
About the Author
