19 сәуірде Санкт-Петербургте ACA 174 турнирінде жартылай орта салмақтағы бұрынғы Fight Nights Global чемпионы, қазақстандық файтер Георгий Кичигин бұрынғы Eagle FC белбеуінің иегері ресейлік Денис Измоденовқа қарсы жекпе-жек өткізеді.
35 жастағы Кичигин кейінгі жекпе-жегін 2023 жылы қыркүйекте Octagon Promotion 50-турнирінде өткізіп, екінші раундта Ричард Тотровты қылқындыру әдісімен жеңген еді. Оның еншісінде 29 жеңіс пен он жеңіліс бар.
Ал 32 жастағы Измоденов кейінгі жекпе-жегін 2022 жылы желтоқсанда Eagle FC 51 турнирінде өткізіп, Имам-Шапи Мұхтаровты төрешілердің бірауыздан қабылдаған шешімімен жеңген болатын. Спортшының еншісінде 11 жеңіс, 8 жеңіліс және 2 тең нәтиже бар.