Бүгін бокстан Астанада өтіп жатқан лицензиялық турнирге іріктеу кезеңінде әйелдер арасында финалға шыққан спортшылар анықталды, деп жазады Sportbugin.kz.
54 келі
Финал: Ұлжан Сәрсенбек — Сымбат Әлиасқар
Жастар арасындағы әлем чемпионы Ұлжан Сәрсенбек жартылай финалда тәжірибелі Жайна Шекербекованы қапы қалдырды.
Ал Сымбат Әлиасқар Анель Сақышты жарыс жолынан шығарды. Десе де, жекпе-жекте Анельдің басымдық танытқанын мойындау керек.
66 келі
Финал: Наталья Богданова — Жасмин Қизатова
Богданова әлем чемпионатының жүлдегері Милана Сафронованы жеңсе, Қизатова Лаура Есенгелдіден басым түсті.
75 келі
Финал: Гүлсая Ержан — Валентина Хальзова
Бұл салмақта үш боксшы ғана қатысуға өтінім білдірді. Жартылай финалда Гүлсая Жібек Жарасқызын жеңді. Оны финалда Хальзова күтуде.
Фото: Сали Сабиров, Қазақстан ҰОК баспасөз қызметі